Najboje bi bilo da se intramo na Voćnome trgu, di je sve vrvilo o’svita kad se išlo u spizu i ćakulalo koje di bija i ča je činija. E, a onda ćemo pomalo do Pjace dei šinjori. Nema koga tamo nećemo srist od poteštati do redikula. A bilo je ovih drugih koliko ti duša oće, a jema ih bome i danas. Bidni oni ka’ bi in se Splićani stali izrugivat. Gremo onda put Velega Varoša, al ćemo se najpri zaustavit kraj slike našega Frane Matošića legendarnoga nogometaša Hajduka. O čemu ćemo tamo govorit nego o dišpetu. A onda put pod noge i po Velome Varošu, težačkome predgrađu di su svi patili od nike grandece i nisu dali gušta da drugi svit vidi da nemaju ča za jist, nego su po gradu odili lipo obučeni i činili se ka’ da su najbogatiji u cilemu Splitu. A za kraj ove spli’ske štorije di ćemo nego na Matejušku, oliti na Rivu. Triba malo otpočinit i fjakavat.
Trajanje ove štorije je 60 minuti.
Malo ćemo šetat uzbrdo i nizbrdo bez skalinadi tako da je sve prilagođeno i za naše drage sugrajane s invaliditetom.
Odit ćemo jedno 20 minuti, a kad bude vrućina, lipo triba stavit očale i španćeru i vazest koju botilju vode.
Za čut ovu štoriju triba’će van 20 eura. Minimalno vas more bit 5, a maksimalno 10.
Veseli mi i zdravi bili!!!
Podijelite ovu priču
Jeste li ovo doživjeli? Podijelite svoju recenziju.
Što su ostali rekli?